හස්ත කර්මාන්ත ශිල්පීන්ගේ කුසලතාවයන්, ඵලදායීතා සංකල්ප හා ක්‍රමවේද තුළින් ඉහළ නැංවීම සඳහා ජාතික ඵලදායීතා ලේකම් කාර්යාලය විසින් ක්‍රියාත්මක කරනු ලබන දින 05ක මූලික ඵලදායීතා පුහුණු වැඩසටහනක් (මූලික ඵලදායීතා සංකල්ප හා ක්‍රමවේද ඇතුලත්) ජාතික ශිල්ප සභාවේ ලියාපදිංචි, තෝරාගත් ශිල්පීන් 500 දෙනෙකු සඳහා Zoom තාක්ෂණය ඔස්සේ පැවැත්වීමට සැලසුම් කර ඇත.
ජාතික ශිල්ප සභාව මගින් සංවිධානය කරන “ගුරු ශිල්පී” පුහුණු වැඩසටනන් මලාවේ තවත් නව තල්කොළ ආශ්‍රිත නිශ්පාදන පුහුණු පාඨමාලාවක් 2025.04.24 (ඊයේ) දින ත්‍රිකුණාමලය දිස්ත්‍රික්කයේ දී මෙලෙස ආරම්භ විය. මෙම පාඨාමාලාව සඳහා පුහුණුලාභීන් 20දෙනෙක් දැනට සම්බන්ධව සිටිති.
ජාතික ශිල්ප සභාව විසින් පවත්වනු ලැබු ශිල්ප අභිමානී – 2024 ජාතික හස්ත කර්මාන්ත තරගයට සමගාමීව පැවති පළාත් තරගයේදී උතුරු පළාතේ ජයග්‍රහණ හිමිකරගත් ශිල්පීන් වෙත සම්මාන හා මුදල් ත්‍යාග ප්‍රදානය සහ උතුරු පළාත් කර්මාන්ත අලෙවිපොළ සමාරම්භය පසුගියදා (2024.04.10) ජාතික ශිල්ප සභාවේ සභාපතිනී ආචාර්ය අයේෂා වික්‍රමසිංහ මහත්මිය, උතුරු පළාත් කර්මාන්ත අධ්‍යක්ෂ වනජා සෙල්වරත්නම් මහත්මිය ඇතුළු සම්භාවනීය අමුත්තන් රැසකගේ ප්‍රධානත්වයෙන් යාපනය මුත්‍රවේලි ක්‍රීඩාංගනයේ දී පැවැත්විණි.
මෙවර සම්මාන ප්‍රදානයේ සුවිශේෂීත්වය නම්, ශිල්ප අභිමානී – 2024” ජනාධිපති සම්මාන හස්ත කර්මාන්ත ජාතික තරඟයේ ස්වර්ණ සම්මානයක් ප්‍රථම වතාවට උතුරු පළාත හිමිකර ගැනීමයි. ඒ අනුව සාම්ප්‍රදායික නොවන අංශයේ රන් සම්මානය යාපනය ප්‍රදේශයේ පදිංචි වාද්‍ය භාණ්ඩ නිර්මාණ ශිල්පී පී.ශ්‍යාමක්‍රිශ්නා මහතා විසින් හිමිකරගන්නා ලදි.
සිංහල හා දමිළ අලුත් අවුරුද්ද ඉලක්ක කරගනිමින් හස්ත කර්මාන්ත ශිල්පීන් ඇතුළු කර්මාන්ත කරුවන් හට සිය නිශ්පාදන අලෙවිකර ගැනීමට අලෙවි පහසුකම් සලසා දීමේ අරමුණින් සංවිධානය කරන ලද මෙම උතුරු පළාත් කර්මාන්ත අලෙවිපොළ අලෙවි කුටි 112කින් සමන්විත වූ අතර එමගින් දේශීය හස්ත කර්මාන්ත ශිල්පීන් 42ක් වෙත අලෙවි පහසුකම් හිමිකර දෙන ලදි.
එළඹෙන සිංහල හා හිංදු අලූත් අවුරුදු සමයේ ඔබට අවශ්‍ය හස්ත කර්මාන්ත නිර්මාණ අතරමැදියන්ගෙන් තොරව සාධාරන මිලට මිලදී ගැනීමට පැමිණෙන්න ජාතික ශිල්ප සභාව සංවිධානය කරන දේශීය අත්කම් අලෙවිපොළ, අප්‍රේල් මස 8, 9, 10, 11 සහ 12 දිනයන්හි කැන්ඩි සිටි සෙන්ට(ර්) (KCC) හි දී..
එළඹෙන සිංහල හා හිංදු අලූත් අවුරුදු සමයේ ඔබට අවශ්‍ය හස්ත කර්මාන්ත නිර්මාණ අතරමැදියන්ගෙන් තොරව සාධාරත මිලට මිලදී ගැනීමට පැමිණෙන්න ජාතික ශිල්ප සභාව සංවිධානය කරන දේශීය අත්කම් අලෙවිපොළ, මාර්තු මස 26,27 සහ 28 දිනයන්හි බදුල්ල ඕකන්ද කො‍ටුවේ දී..
එළඹෙන සිංහල හා හිංදු අලූත් අවුරුදු සමයේ ඔබට අවශ්‍ය හස්ත කර්මාන්ත නිර්මාණ අතරමැදියන්ගෙන් තොරව සාධාරන මිලට මිලදී ගැනීමට පැමිණෙන්න ජාතික ශිල්ප සභාව සංවිධානය කරන දේශීය අත්කම් අලෙවිපොළ, මාර්තු මස 26,27,28 සහ 29 දිනයන්හි කුලියාපිටිය නගර ශාලාවේ දී..
එළඹෙන සිංහල හා හිංදු අලූත් අවුරුදු සමයේ ඔබට අවශ්‍ය හස්ත කර්මාන්ත නිර්මාණ අතරමැදියන්ගෙන් තොරව සාධාරත මිලට මිලදී ගැනීමට පැමිණෙන්න ජාතික ශිල්ප සභාව සංවිධානය කරන දේශීය අත්කම් අලෙවිපොළ, මාර්තු මස 25,26,27 සහ 28 දිනයන්හි කොළඹ ලෝක වෙළඳ මධ්‍යස්ථානය (WTC) හි දී..
සීගිරිය හස්ත කර්මාන්ත නිෂ්පාදන හා අළෙවි ගම්මානය නවීකරණය කර සංචාරක ආකර්ශනීය ගමනාන්තයක් බවට පත් කිරීම පිළිබදව සාකච්ඡාවක් 2025.03.11 දින ජාතික ශිල්ප සභාවේ සභාපතිනියගේ ප්‍රධානත්වයෙන් ප්‍රධාන කාර්යාලයේදී පැවැත්විණි.
මෙම සාකච්ඡාව සඳහා ශ්‍රී ලංකා සංචාරක සංවර්ධන අධිකාරිය, සළුසල ආයතනය, මැණික් හා ස්වරණාභරණ අධිකාරිය, ලංකා කාර්මික සංවර්ධන මණ්ඩලය, මධ්‍යම සංස්කෘතික අරමුදල හා ශ්‍රී ලංකා හස්ත කර්මාන්ත මණ්ඩලය යන ආයතනවල නිලධාරී මහත්ම මහත්මීන් සහභාවී වූ අතර මධ්‍යම පළාත් කර්මාන්ත ලේකම්, මධ්‍යම පළාත් කර්මාන්ත අධ්‍යක්ෂ හා ජාතික ශිල්ප සභාවේ මධ්‍යම පළාත් නියෝජ්‍ය අධ්‍යක්ෂ යන නිලධාරීන් මාර්ගගත තාක්ෂණය ඔස්සේ සම්බන්ධ විය.
එම සාකච්ඡාවේදී සීගිරිය හස්ත කර්මාන්ත නිෂ්පාදන හා අලෙවි ගම්මානය සංවර්ධනය කර පවත්වාගෙන යාම සඳහා අදාළ රාජ්‍ය ආයතනවල සහයෝගය ලබා දීමට කැමැත්ත පළ කරන ලද අතර සම්බන්ධිත ආයතනවල යෝජනා ඇතුළත් වන පරිදි ඒකාබද්ධ ව්‍යාපෘති වාර්තාවක් (Integrated Project Report) සකස් කිරීමටත්, අදියර දෙකක් යටතේ ගම්මානය සංවර්ධනය කිරීමටත් තීරණය විය.
එමෙන්ම රාජ්‍ය ආයතනවලට අමතරව පෞද්ගලික අංශයේ සංකල්පීය, තාක්ෂණික හා මූල්‍යමය දායකත්වය ලබා ගැනීමට ද තීරණය විය.
