Follow Us :
අමුද්‍රව්‍ය වගා ව්‍යාපෘතියට දුනුකේ පැල වගාවක් ….

හස්ත කර්මාන්ත නිර්මාණ ශිල්පීන් වෙත අමුද්‍රව්‍ය ලෙස දුනුකේ ලබා ගැනීම පිණිස ජාතික ශිල්ප සභා අමුද්‍රව්‍ය බැංකුව මඟින් බේරුවල ප්‍රාදේශීය ලේකම් බල ප්‍රදේශයට අයත් හිරිගල්ගොඩැල්ල ග්‍රාමයේ ජාතික ශිල්ප සභාවට අයත් වැටකේ පුහුණු මධ්‍යස්ථාන භූමියේදී දුනුකේ පැල වගා ව්‍යාපෘතියක් 2021.06.29 දින ආරම්භ කරන ලදී.

වේවැල්, පිත්තල, මැටි, ලී බඩු හා ග්‍රාමීය කර්මාන්ත ප්‍රවර්ධන රාජ්‍ය අමාත්‍යාංශ ලේකම් විජිත බණ්ඩාරනායක මහතා සහ ජාතික ශිල්ප සභාවේ සභාපති සම්පත් ඇරැහැපොල මහතාගේ ප්‍රධානත්වයෙන් මෙම වගා ව්‍යාපෘතිය ආරම්භ කරන ලදී. මෙම අවස්ථාව සඳහා බේරුවල ප්‍රාදේශීය ලේකම් රංජිත් සී. පෙරේරා මහතා, රාජ්‍ය අමාත්‍යාංශයේ අධ්‍යක්ෂ (සංවර්ධන) බුද්ධික ලක්මාල් මහතා, රාජ්‍ය අමාත්‍යතුමාගේ පෞද්ගලික ලේකම් ප්‍රියන්ත මධුකුමාර මහතා, ජාතික ශිල්ප සභාවේ බස්නාහිර පළාත් සහකාර අධ්‍යක්ෂ නෙරංජලා ගුණසිංහ මහත්මිය ඇතුළු නිලධාරීන් රැසක් එක්විය.

         

         

         

         

         

“අපේ පන්තොට” ජාතික පන් වගා ව්‍යාපෘතිය ….

දේශීය හස්ත කර්මාන්ත ශිල්පීන් හට අමුද්‍රව්‍ය ලෙස අවශ්‍ය පන් ලබා ගැනීම සඳහා “අපේ පන්තොට” ජාතික පන් වගා ව්‍යාපෘතිය 2021.06.29 දින වලල්ලාවිට ප්‍රාදේශීය ලේකම් කොට්ඨාශයේ පන්තොට ග්‍රාමයෙන් ආරම්භ කරන ලදී. වේවැල්, පිත්තල, මැටි, ලී බඩු හා ග්‍රාමීය කර්මාන්ත ප්‍රවර්ධන රාජ්‍ය අමාත්‍යාංශයේ මෙහෙයවීම මත ජාතික ශිල්ප සභාව විසින් මෙම සුවිශේෂී අවස්ථාව සංවිධානය කරන ලදී.

මෙම පන් වගා ව්‍යාපෘතිය ආරම්භ කිරීම සඳහා රු.මි. 2.4 ක මූල්‍ය ප්‍රදානයක් පන් වගාවේ නිරත වන “පන්තොට ශිල්ප සමාජයේ” සාමාජිකයන් වෙත ලබා දෙන ලදී. ගරු රාජ්‍ය අමාත්‍ය ප්‍රසන්න රණවීර මැතිතුමාගේ ප්‍රධානත්වයෙන් වගා ව්‍යාපෘතිය ආරම්භ කළ අතර ගරු රාජ්‍ය අමාත්‍ය ජයන්ත සමරවීර මැතිතුමා, ගරු පාර්ලිමේන්තු මන්ත්‍රී සංජීව එදිරිමාන්න මැතිතුමා, වලල්ලාවිට ප්‍රාදේශීය සභාවේ ගරු සභාපති උදේනි අතුකෝරල මැතිතුමා ඇතුළු ප්‍රාදේශීය මහජන නියෝජිතයින් මෙම අවස්ථාව සමඟ එක් විය. එමෙන්ම රාජ්‍ය අමාත්‍යාංශ ලේකම් විජිත බණ්ඩාරනායක මහතා, වලල්ලාවිට ප්‍රාදේශීය ලේකම් සිතාරි උදයංගනී මහත්මිය සහ ජාතික ශිල්ප සභාවේ සභාපති සම්පත් ඇරැහැපොල මහතා ඇතුළු නිළධාරීන් ද මෙම අවස්ථාව සඳහා සහභාගි විය.

         

         

         

         

         

         

         

         

         

         

ජාත්‍යන්තර කාන්තා දිනය විචිත්‍රවත්ව සැමරූ “Shilpa Thursday” ….

දේශීය අත්කම් නිර්මාණ ශිල්පීන්ගේ අලෙවි කටයුතු ප්‍රවර්ධනය කිරීම සඳහා වේවැල්, පිත්තල, මැටි, ලී බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍යාංශයේ මෙහෙයවීම මත ජාතික ශිල්ප සභාව සෑම බ්‍රහස්පතින්දා දිනකම බත්තරමුල්ල දියත උයන පරිශ්‍රයේ පවත්වන “ශිල්ප Thursday” හස්ත කර්මාන්ත නිර්මාණ අලෙවිපොල මාර්තු 08 වන දිනට යෙදෙන ලෝක කාන්තා දිනය වෙනුවෙන් 2021.03.04 දින විශේෂ කාන්තා අත්කම් නිර්මාණ අලෙවිපොලක් ලෙස විචිත්‍රවත් විය.

රාජ්‍ය අමාත්‍ය ප්‍රසන්න රණවීර මැතිතුමාගේ ප්‍රධානත්වයෙන් විවෘත වූ කාන්තා අත්කම් අලෙවිපොල සඳහා “දිවි සවිය” ව්‍යවසාය සංවිධානයේ ගරු සභාපතිනි චන්දිමා රණවීර මැතිනිය ද සහභාගී විය. එමෙන්ම ලංකා බැංකුව, විශ්ව විද්‍යාල, ව්‍යාපාරික ප්‍රජාව මෙන්ම රාජ්‍ය හා පුද්ගලික අංශයේ විවිධ ආයතන රැසකගේ නියෝජනය සමාරම්භක මොහොතේ දී කැපී පෙනෙන්නට විය.

මෙහිදී ලංකා බැංකුව මූල්‍ය අනුග්‍රහය ලබා දුන් අතර මාධ්‍ය අනුග්‍රහය සියත මාධ්‍ය ජාලය තුලින් ලැබුණි. දිනය පුරා හස්ත කර්මාන්ත පුහුණු වැඩමුළු, විද්වතුන්ගේ සහභාගීත්වයෙන් පැවති සාකච්ඡා මණ්ඩප, හස්ත කර්මාන්ත ශිල්පීන් ලියාපදිංචි කිරීම, සංස්කෘතික සංදර්ශන මෙන්ම ජාත්‍යන්තරය දිනූ හස්ත කර්මාන්ත ශිල්පිනියන් ඇගයීම ද සිදු විය.

         

         

         

         

         

         

“ශිල්ප Thursday” ට ව්‍යාපාරික ප්‍රජාව අත දිගු කරයි ….

දේශීය හස්ත කර්මාන්ත නිර්මාණ ශිල්පීන්ගේ අලෙවි කටයුතු ප්‍රවර්ධනය කිරීම සඳහා ජාතික ශිල්ප සභාව සෑම බ්‍රහස්පතින්දා දිනකම බත්තරමුල්ල දියත උයනේදී සංවිධානය කරනු ලබන “ශිල්ප Thursday” 2021.02.11 දින නව මුහුණුවරක් ගත්හ.

දේශීය ව්‍යාපාරික ප්‍රජාවේ උන්නතිය වෙනුවෙන් කටයුතු කරනු ලබන රාජ්‍ය ආයතන මෙන්ම පෞද්ගලික අංශයේ ව්‍යාපාරික ආයතන නියෝජිතයන්ගේ ප්‍රධානත්වයෙන් “ශිල්ප Thursday” විවෘත විය. මේ සඳහා ශ්‍රී ලංකා අපනයන සංවර්ධන මණ්ඩලයේ අධ්‍යක්ෂ ජෙනරාල් චිත්‍රාංගනී දිසානායක මහත්මිය, ATTREX INSTITUTE OF HIGHER EDUCATION ආයතනයේ අධ්‍යක්ෂිකා ධනුෂිකා හපුආරච්චි මහත්මිය, ගරු රාජ්‍ය අමාත්‍ය ප්‍රසන්න රණවීර මැතිතුමාගේ සම්බන්ධීකරණ ලේකම් සහ එම රාජ්‍ය අමාත්‍යාංශයේ ජාත්‍යන්තර අලෙවි කටයුතු පිළිබඳව සම්බන්ධීකාරක සම්පත් ඇරුහැපොළ මහතා ද සහභාගි වූ අතර ජාතික ශිල්ප සභාවේ සභාපති සුදත් අබේසේකර මහතා සහ අධ්‍යක්ෂිකා චන්ද්‍රමාලි ලියනගේ මහත්මිය ද මෙම අවස්ථාව සමඟ එක් විය.

         

         

         

         

         

අලවලට සෙවිලි තහඩු ….

අත්තනගල්ල ප්‍රාදේශීය ලේකම් කොට්ඨාශයේ, අලවල ගම්මානය බටපතුරු ආශ්‍රිත නිර්මාණ කරනු ලබන නිර්මාණ ශිල්පීන් පිරිසක් වෙසෙන ගමකි. මෙම නිර්මාණ ශිල්පීන් වෙත 2021.01.23 දින තම වැඩමඩු ඉදි කර ගැනීම සඳහා සෙවිලි තහඩු සහ සුළු යන්ත්‍ර උපකරණ ප්‍රදානයක් සිදු කරන ලදී.

වේවැල්, පිත්තල, මැටි, ලී බඩු සහ ග්‍රාමීය කර්මාන්ත ප්‍රවර්ධන ගරු රාජ්‍ය අමාත්‍ය ප්‍රසන්න රණවීර මැතිතුමන්ගේ ප්‍රධානත්වයෙන් පැවති මෙම අවස්ථාව සඳහා ගම්පහ දිස්ත්‍රික් ගරු පාර්ලිමේන්තු මන්ත්‍රී උපුල් මහේන්ද්‍ර රාජපක්ෂ මැතිතුමන්, ප්‍රාදේශීය සභා මන්ත්‍රී ප්‍රදීප් මධුරංග මැතිතුමා ඇතුළු ප්‍රාදේශීය දේශපාලන නියෝජිතයින් මෙන්ම ජාතික ශිල්ප සභාවේ සභාපති සුදත් අබේසේකර මහතා, අධ්‍යක්ෂ චන්ද්‍රමාලි ලියනගේ මහත්මිය, මධ්‍යම සංස්කෘතික අරමුදලේ අධ්‍යක්ෂ ජෙනරාල් මහාචාර්ය ගාමිණී අධිකාරි මහතා සමඟ රාජ්‍ය නිළධාරින් සහ හස්ත කර්මාන්ත ශිල්පීන් රැසක් සහභාගී විය.

         

         

         

         

         

         

      

“ජයවේ” වේවැල් වගා කිරීමේ ජාතික මහෝත්සවයට සමගාමීව පුහුණුලාභීන්ට ප්‍රතිලාභ ….

අමුද්‍රව්‍ය ලෙස වේවැල් වගාකිරීමේ රාජ්‍ය උත්සවය 2021.01.21 දින කර්මාන්ත අමාත්‍ය විමල් වීරවංශ මැතිතුමාගේ හා රාජ්‍ය අමාත්‍ය ප්‍රසන්න රණවීර මැතිතුමාගේ ප්‍රධානත්වයෙන් වනාතවිල්ලුව රාල්මඩුව වේවැල් ආශ්‍රිත නිෂ්පාදන ගම්මානයේදී පැවැත්විය. එයට සමගාමීව ජාතික ශිල්ප සභාව විසින් වේවැල් නිෂ්පාදනය පිළිබඳව පුහුණුව ලැබූ නිර්මාණ ශිල්පීන් වෙත උපකරණ ප්‍රදානයක් හා ජාතික ශිල්ප සභාවේ ලියාපදිංචි ශිල්පීන් වෙත නව හැඳුනුම්පත් ප්‍රදානය ද සිදු කෙරුණි.

         

         

         

         

         

         

         

   

“ශිල්ප Thursday” සාම්ප්‍රදායික හස්ත කර්මාන්ත වෙළඳ ප්‍රදර්ශනය …

වේවැල්, පිත්තල, මැටි, ලීබඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍යාංශයේ මෙහෙයවීම යටතේ ජාතික ශිල්ප සභාව සංවිධානය කරනු ලැබූ “ශිල්ප Thursday” සාම්ප්‍රදායික හස්ත කර්මාන්ත වෙළඳ ප්‍රදර්ශනය 2020 සැප්තැම්බර් 16 දින පෙ.ව. 10.00 ට ගරු අග්‍රාමාත්‍ය මහින්ද රාජපක්ෂ මැතිතුමන්ගේ ප්‍රධානත්වයෙන් විවෘත විය. මෙම අවස්ථාව සඳහා කර්මාන්ත අමාත්‍ය විමල් වීරවංශ මැතිතුමා සමඟ රාජ්‍ය අමාත්‍ය ප්‍රසන්න රණවීර මැතිතුමා ද එක්විය.

අලෙවි කුටි 125 කින් සමන්විත වන “ශිල්ප Thursday” සාම්ප්‍රදායික හස්ත කර්මාන්ත වෙළඳ ප්‍රදර්ශනය සෑම බ්‍රහස්පතින්දා දිනකම බත්තරමුල්ල දියත උයනේදී පැවැත්වේ. පෙ.ව. 8.30 සිට ප.ව. 8.30 දක්වා පැවැත්වෙන අත්කම් අලෙවි පොලෙන් නිර්මාණකරුවා වෙතින්ම පාරිභෝගිකයා හට නිෂ්පාදන මිලදී ගැනීමේ හැකියාව සලසා ඇති බැවින් සාධාරණ මිලකට නිර්මාණ අලෙවි වනු ලබයි.

ආරම්භක දිනයේදීම “ශිල්ප Thursday” නැරඹීම සදහා විශාල පිරිසක් පැමිණීම නිසා නිර්මාණකරුවා හට ඉහළ ආදායමක් ලබා ගැනීමට හැකි වූ අතර සමස්ථ ආදායම මිලියන 3.5 ඉක්මවිය.

කොවිඩ් 19 වසංගත තත්ත්වයෙන් පසුව හස්ත කර්මාන්ත නිර්මාණ ශිල්පීන් සවිබල ගැන්වීම අරමුණු කොට ගනිමින් ජාතික ශිල්ප සභාව සංවිධානය ‍කළ මෙම අලෙවිපොල හස්ත කර්මාන්ත නිර්මාණ ශිල්පීන්ගේ බලාපොරොත්තු මල්ඵල ගන්වන්නක් විය.

රාජ්‍ය ඇමති පළාත් නිලධාරීන් හමුවෙයි…

වේවැල්, පිත්තල, මැටි, ලී බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍ය ප්‍රසන්න රණවීර මැතිතුමා අගෝස්තු 27 දින ජාතික ශිල්ප සභාවේ පළාත්, දිස්ත්‍රික් හා ප්‍රධාන කාර්යාලීය නිලධාරීන් හමු විය. බත්තරමුල්ල, පැලවත්ත පිහිටි නිවාස සැලසුම් හා ගොඩනැගිලි මධ්‍යස්ථාන රැස්වීම් ශාලාවේ දී පැවති මෙම හමුවේදී රාජ්‍ය අමාත්‍යාංශය විසින් ඉදිරි වසර තුල ක්‍රියාත්මක කිරීමට අපේක්ෂිත සංවර්ධන වැඩසටහන් පිළිබඳව ගරු රාජ්‍ය අමාත්‍යතුමා විසින් පැහැදිලි කිරීමක් සිදු කරන ලදී. අනතුරුව නිලධාරීන් සඳහා ආකල්ප සංවර්ධනය පිළිබඳව දේශනයක් රාජ්‍ය අමාත්‍ය සම්බන්ධීකරණ ලේකම් ප්‍රවීණ දේශක ලසන්ත කාරියප්පෙරුම මහතාගේ සම්පත්දායකත්වයෙන් පවත්වන ලදී.

මෙම අවස්ථාව සදහා රාජ්‍ය අමාත්‍යාංශ ලේකම් විජිත බණ්ඩාරනායක මහතා, ජාතික ශිල්ප සභාවේ සභාපති සුදත් අබේසේකර මහතා සහ අධ්‍යක්ෂ චන්ද්‍රමාලි ලියනගේ මහත්මිය ද සහභාගී විය.

ගරා වැටෙන ඉත්තෑපානට හිරු පායයි …

වලල්ලාවිට ප්‍රාදේශිය ලේකම් කොට්ඨාශයේ ඉත්තෑපා‍නේ පිහිටි තලකොළ ආශ්‍රිත පුහුණු මධ්‍යස්ථානය වෙත 2020 පෙබරවාරි 22 (බදාදා) දින ජාතික ශිල්ප සභාවේ සභාපති සුදත් අබේසේකර මහතා පැමිණෙන ලදී. වසර ගණනාවක් තුලදී ප්‍රතිසංස්කරණයට ලක් නොවීම හේතුවෙන් දැඩිසේ ගරා වැටීමට ලක් වී තිබූ මධ්‍යස්ථාන ගොඩනැගිල්ල සභාපතිතුමාගේ දැඩි අවධානයට ලක් විය. මධ්‍යස්ථාන ගොඩනැගිල්ල ප්‍රතිසංස්කරණය කර පුහුණු පාඨමාලා සාර්ථකව පවත්වාගෙන යාමට අවශ්‍යය සියළුම පහසුකම් ඉතා කඩිනමින් ලබා දීමට පියවර ගන්නා බව සභාපතිතුමා පැවසීය.

“සිතුවමින් දිනමු” සාම්ප්‍රදායික චිත්‍ර වැඩමුළුව …

පසුගිය දිනවල මඟ දෙපස අලංකාර කරමින් සිතුවම් කළ ආධුනික චිත්‍ර ශිල්පීන් සඳහා 2020 පෙබරවාරි 23 දින බත්තරමුල්ල අපේ ගම පරිශ්‍රයේදී “සිතුවමින් දිනමු” මැයින් සාම්ප්‍රදායික චිත්‍ර පිළිබඳව වැඩමුළුවක් පවත්වන ලදී. ජාතික ශිල්ප සභාවේ සභාපති ප්‍රවීණ චිත්‍ර ශිල්පී සුදත් අබේසේකර මහතාගේ මෙහෙයවීම යටතේ පැවති මෙම වැඩමුළුව සඳහා ආධුනික චිත්‍ර ශිල්පීන් හාරසියයකට (400) අධික සංඛ්‍යාවක් සහභාගි විය. මෙදින ප්‍රධාන ආරාධිතයා ලෙස කුඩා හා මධ්‍ය පරිමාණ ව්‍යාපාර සහ ව්‍යවසාය සංවර්ධන, කර්මාන්ත සහ සැපයුම් කළමනාකරණ අමාත්‍ය ගරු විමල් වීරවංශ මැතිතුමා සහභාගි වූ අතර කුඩා හා මධ්‍ය පරිමාණ ව්‍යාපාර සහ ව්‍යවසාය සංවර්ධන අමාත්‍යාංශයේ ලේකම් මොන්ටි රණතුංග මහතා ද එම අවස්ථාව සමඟ එක් විය.

 

Search Results for :

  • අමුද්‍රව්‍ය වගා ව්‍යාපෘතියට දුනුකේ පැල වගාවක් ….
  • “අපේ පන්තොට” ජාතික පන් වගා ව්‍යාපෘතිය ….
  • හස්ත කර්මාන්ත නිර්මාණ සැපයුම්කරුවන් ලියාපදිංචි කිරීම සඳහා වන අයදුම්පත්‍රය – 2021
  • ජාත්‍යන්තර කාන්තා දිනය විචිත්‍රවත්ව සැමරූ “Shilpa Thursday” ….
  • “ශිල්ප Thursday” ට ව්‍යාපාරික ප්‍රජාව අත දිගු කරයි ….
  • අලවලට සෙවිලි තහඩු ….
  • “ජයවේ” වේවැල් වගා කිරීමේ ජාතික මහෝත්සවයට සමගාමීව පුහුණුලාභීන්ට ප්‍රතිලාභ ….
  • පළාත් / දිස්ත්‍රික් කාර්යාල නිලධාරීන්
  • පුරප්පාඩු
  • අධ්‍යක්ෂ මණ්ඩලය